Центарот за континуирана едукација при Фармацевтскиот факултет реализираше интересен настан каде што науката и технологијата се спојуваат за подобра фармацевтска дејност!
Од инспиративни воведни предавања, преку интересни панел дискусии, откривме дека напредните технлогии се неизбежен дел во секој сегмент од фармацијата. Од образованието, преку истражувањата и подобрување на процесот на откривање на лекови до оптимизирање на грижата за пациентите преку персонализирани планови за лекување, напредните технологии го менуваат начинот на кој фармацевтите и здравствените работници ги испорачуваат здравствените услуги. Како што напредува употребата на напредните технологии во фармацијата, таа со себе носи значителни предизвици, заради што и неминовна е потребата за соодветна законска рамка која ќе ја гарантира безбедноста, ефикасноста и етичките стандарди.
Благодарност до предавачите и сите оние кои што беа дел од настанот и ја делат визијата за иднината на фармацевтска дејност. Особено не радува што на овој хибриден настан учествуваа над 180 учесници.

Погледнете ја галеријата за да ја видите дел од атмосферата.