Центар за фармацевтска нанотехнологија (ЦФН)
Раководител
Проф. д-р Марија Главаш Додов
Специјалист по фармацевтска технологија
Тел: ++ 38923126032, лок: 115
Факс: ++ 38923123054
е-mail: magl@ff.ukim.edu.mk
Адреса:
ул. Мајка Тереза бр. 47,
Поштенски фах 36
1000 Скопје, Р. Македонија
Човечки ресурси:
- Проф. д-р. Маја Симоноска Црцаревска
- Проф. д-р. Катерина Горачинова
- Проф. д-р. Марија Главаш Додов
- Проф. д-р. Кристина Младеновска
- Проф. д-р. Рената Славеска Раички
- Проф. д-р. Никола Гешковски
За Центарот
Центарот за фармацевтска нанотехнологија (ЦФН) е основан во 2008 година како Центар за микро/нанотехнологија и дизајнирање на микро/наносистеми за насочено делување, а во 2009 год. е преименуван во Центар за фармацевтска нанотехнологија. ЦФН од неговото основање до денес опстојува како посебна единица во рамки на Факултетот. За прв раководител на центарот е избрана проф. д-р. Катерина Горачинова (12.12.2008-01.12.2009). Проф. д-р Марија Главаш Додов е раководител на Центарот од 01.12.2009 до 01.04.2014, а Проф. д-р. Маја Симоноска Црцаревска е раководител на ЦФН од 01.04.2014 до денес.
Капацитети:
Центарот за фармацевтска нанотехнологија располага со следната опрема:
- Апарат за спреј-сушење (Buchi Mini Spray dryer B-290, Switzerland)
- Апарат за определување на зета потенцијал и мерење на големина на наночестички/наноматеријали (Zetasizer Nano Series, Nano-ZS, Malvern Instruments Ltd., UK)
- Ласерски бројач за одредување на големина на честички (Mastersizer 2000, Malvern Instr., Ltd, UK) со ќелии:
- – Scirocco 2000, Malvern Instr., Ltd, UK, (за мерење на суви прашоци)
- – Hydro 2000S, Malvern Instr., Ltd, UK, (за мерење на дисперзии)
- Водена термостат бања со мешање (Unitronic OR, Selecta, Barcelona, Spain)
- Магнетна мешалка (Variomag, Multipoint HP 15, Germany)
- Магнетна мешалка со греење (Jenway, UK)
- Ултрасонична бања (Ultrawave Limited, Cardif, UK)
- HPLC system (Agilent 1200 Series, DAD detector, Germany)
- Лиофилизатор (Labconco, FreeZone5L Feeze Dry System, USA)
- Хомогенизатор (IKA T25 basic, Germany)
- Автоклав (Melag Avtoklav 23, Germany)
- UV/VIS Спектрофотометри
- ERWEKA дисолуциска линија
- ERWEKA апарат за дезинтеграција
- Асептични комори
- Термостат-комори за следење на стабилност (Kottermann, Germany)
Дејност
Основната дејност на Центарот за фармацевтска нанотехнологија (ЦФН) е вршење услуги и анализи во полето на фармацевтската технологија, микро/нанотехнологијата, биофармацијата и козметологијата; давање стручни мислења и консултативни услуги, како и изработка на експертски извештаи, методолошки постапки и лабораториски анализи.
Во рамките на ЦФН се обавуваат следните дејности:
- Научно-истражувачка дејност: фундаментални и применети истражувања во областа на фармацевтска технологија, биофармација, козметологија и микро/нанотехнологија: дизајн, развој, карактеризација и евалуација на конвенционални фармацевтски дозирани форми (ФДФ), ФДФ со модифицирано ослободување, микро/наносистеми за насочување и контролирано ослободување на активни супстанции, козметички суровини и производи, нутрицевтици, стабилност на системите во фазата на развој и формулација…
- Едукативна дејност: обука на кадри и студенти на принципот едукација базирана на наука и научни истражувања, дисеминација на знаења, искуства и вештини, публикација и популаризација на истражувањата
- Апликативна дејност: Развој и изведување на анализи, експертизи, давање на професионални лабораториски и консултантнски услуги насочени кон различни аспекти на дозираните форми во доменот на техничките можности и професионалната компетентност.
Во ракмите на ЦФН, воспоставени се и се работат следниве анализи и услуги:
- Дизајн, развој и формулација на конвенционални ФДФ, како и ФДФ со модифицирано ослободување, микро/наносистеми, козметички производи, нутрицевтици
- Подготвка и оптимизација на горенаведените системи
- Физичко-хемиско карактеризирање на системите
- Фармацевтско-технолошко карактеризирање на системите и стабилност
- Биофармацевтско карактеризирање – биодистрибуција, ефикасност, биокомпатибилност и нештетност, in vitro/in vivo корелација
- Стручни мислења во делот на предформулација, формулација и производство на ФДФ
- Експертски мислења во делот на предформулација, формулација и производтсво на ФДФ
Сите наведени испитувања и услуги се извршуваат во согласност со национални и меѓународни стандарди за квалитет.